ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հաշվի առնելով գիշերային ժամերին մայրաքաղաքում կանխատեսված ջերմաստիճանի նվազումը, որը կարող է դառնալ գլխավոր և երկրորդական փողոցների երթևեկելի որոշ հատվածներում, ինչպես նաև տեղ-տեղ մայթերին մերկասառույցի առաջացման պատճառ,  Երևանի քաղաքապետարանը հորդորում է փետրվարի 9-ի առավոտյան լինել առավել զգոն և ուշադիր՝ անցանկալի հետևանքներից խուսափելու համար:

«Միաժամանակ տեղեկացնենք,  որ համապատասխան բոլոր ծառայությունները շարունակելու են իրականացնել փողոցների ու բակերի, նաև մայթերի ձնամաքրման, ինչպես նաև  աղի և ավազի խառնուրդով  դրանց մշակման աշխատանքները»,- «Արմենպրես»-ի հաղորդմամբ` նշված է Երևանի քաղաքապետարանի տեղեկատվության և հասարակայնության հետ կապերի վարչության տարածած հաղորդագրությունում:

Քաղաքացիներւ հնարավոր հարցերի և խնդիրների մասին կարող են տեղեկացնել Երևանի քաղաքապետարանի  «Թեժ գիծ» ծառայության հեռախոսահամարներով (+374 11) 514 000,  1-08) կամ վարչական շրջանների ֆեյսբուքյան էջերի միջոցով:

Քաղաքապետարանի հնարավոր անհարմարությունների  համար հայցում է երևանցիների  ներողամտությունը: