Մարգարետ Թեթչերի տունը վաճառքի են հանել 30 մլն ֆունտ ստեռլինգով
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Leconfield Property Group անշարժ գույքի Էլիտար դեւելոպերը վաճառքի Է հանել վեցհարկանի թաունհաուսը, որը ժամանակին պատկանում Էր Մեծ Բրիտանիայի նախկին վարչապետ Մարգարետ Թեթչերին, տեղեկացնում Է «Արմենպրես»-ը:
Էլիտար բնակարանը գտնվում Է Լոնդոնի Բելգրավիա հեղինակավոր շրջանում եւ գնորդներին Է առաջարկվում 30 մլն ֆունտ ստեռլինգի դիմաց, հաղորդել Է The Telegraph հրատարակությունը:
Ընկերությունը երեք տարի եւ մի քանի միլիոն ֆունտ Է ծախսել Չեսթեր հրապարակի վրա գտնվող թիվ 73 թաունհաուսի վերանորոգման համար: Դրա հետ մեկտեղ ամբողջովին պահպանվել են մի քանի սենյակների պատմական ինտերիերները: Տունն ունի վեց ննջարան, աշխատասենյակ, ճաշասենյակ, կինոսրահ՝ բարով, գինու մառան՝ 500 շշի համար, մարզադահլիճ, խոհանոց եւ օժանդակ շինություններ:
«Երկաթե լեդիի» սիրած սենյակները եղել են հյուրասենյակը եւ գրադարանը, որոնք գտնվում Էին առաջին հարկում:
Բաժանորդագրվեք մեր ալիքին Telegram-ում