ԿԺԴՀ-ի ռազմանավը ներխուժել է Հարավային Կորեայի տարածքային ջրեր
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: ԿԺԴՀ-ի պարեկային կատերը փետրվարի 8-ին Դեղին ծովում խախտել Է Հարավային Կորեայի տարածքային ջրերի սահմանը, տեղեկացնում Է «Արմենպրես»-ը՝ հղում անելով Ռյոնհապ գործակալությանը:
Պարեկանավը կտրել-անցել Է այսպես կոչված «հյուսիսային սահմանազատիչ գիծը», իսկ այն բանից հետո, երբ Հարավային Կորեայի զինվորականները մի քանի նախազգուշական կրակոց են արձակել, նավը փոխել Է ընթացքը դեպի հյուսիս:
Գործակալությունը բերում Է Հարավային Կորեայի իշխանությունների ներկայացուցչի հայտարարությունը, որի համաձայն՝ զինվորականները գտնվում են մարտական պատրաստության վիճակում՝ մշտապես ուժեղացնելով հսկողությունը «հյուսիսային սահմանազատիչ գծի» երկայնքով ԿԺԴՀ-ի ռազմածովային ուժերի ամեն տեսակ կասկածելի գործողությունների նկատմամբ, հաղորդել Է ՌԻԱ Նովոստին:
Լուսանկարը` AP
Բաժանորդագրվեք մեր ալիքին Telegram-ում