Կարագանդայի «Շախտյոր»-ը նվազագույն հաշվով պարտվել է «Վորսկլա»-ին
12:01, 7 Փետրվար 2016
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Թուրքիայի Անթալիա քաղաքում ուսումնամարզական հավաք անցկացնող Կարագանդայի «Շախտյոր»-ն ստուգողական հանդիպում է անցկացրել ուկրաինական «Վորսկլա»-ի հետ: «Արմենպրես»-ի հաղորդմամբ, ղազախական թիմի մեկնարկային կազմում խաղադաշտ են դուրս եկել «Շախտյոր»-ում փորձաշրջան անցնող Հայաստանի ազգային հավաքականի ֆուտբոլիստներ Ռոբերտ Արզումանյանը, Արթուր Եդիգարյանն ու Ռումյան Հովսեփյանը:
Ուկրաինական թիմը հաղթել է 1:0 հաշվով:
«Շախտյոր»-ը հաջորդ ընկերական խաղը կանցկացնի փետրվարի 11-ին: Մրցակիցը բոսնիական «Շիրոկի Բրիեգ» թիմն է:
Բաժանորդագրվեք մեր ալիքին Telegram-ում