Առաջին վեց փախստականները ժամանել են Լատվիա
16:18, 6 Փետրվար 2016
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Սիրիայից և Էրիտրեայից առաջին վեց փախստականները ժամանել են Լատվիա: Ինչպես հաղորդում է «Արմենպրես»-ը` վկայակոչելով ՌԻԱ-ն, այս մասին հայտնել է Լատվիայի արտաքին գործերի նախարարությունը:
«Երկիր է ժամանել վեց մարդ, ովքեր ունեն միջազգային աջակցության կարիք: Լատվիա է ժամանել Սիրիայից և Էրիտրեայից երկու ընտանիք, այդ թվում և նախադպրոցական տարիքի երկու երեխա»,- ասվում է Լատվիայի ԱԳՆ հայտարարության մեջ:
Լատվիան պարտավորվել է երկու տարիների ընթացքում իր երկրի տարածքում տեղավորել 531 փախստականի: Նախնական շրջանում նրանք մնալու են անօրինական ներգաղթյալների համար նախատեսված կենտրոնում:
Բաժանորդագրվեք մեր ալիքին Telegram-ում