Իտալիայի հյուսիսում Զիկա վիրուսով վարակման 3 դեպք է գրանցվել
20:45, 5 Փետրվար 2016
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Այս տարվա սկզբին Իտալիայի հյուսիսում՝ Վենետոյի մարզում, Զիկա վիրուսով վարակման 3 դեպք է գրանցվել: «Արմենպրես»-ի փոխանցմամբ` այս մասին հաղորդում է ՏԱՍՍ գործակալությունը՝ նշելով, որ 3 վարակակիրներն էլ եկել են հարավամերիկյան երկրներից:
Շրջանի վարչակազմի առողջապահության խորհրդական Լուկի Կոլետոն նշել է, որ խուճապի մատնվելու հիմքեր չկան: «Մենք 2010 թ. հետևում ենք Եվրոպայում Զիկա վիրուսի տարածմանը, որի հարուցիչն է կոմարո տեսակի մոծակը: Ունենք բոլոր հնարավորությունները վիրուսով հիվանդացածներին բուժելու»,- ասել է նա:
Ավելի վաղ տեղեկացվել էր Հռոմում Զիկա վիրուսով վարակվելու 4 դեպքի մասին: Վարակվածները եկել էին Բրազիլիայից:
Բաժանորդագրվեք մեր ալիքին Telegram-ում