Հստակեցվել են Ընտրական օրենսգրքի ընդունման ժամկետները
ԵՐԵՎԱՆ, 5 ՓԵՐՎԱՐԻ, ԱՐՄԵՆՊՐԵՍ: Նոր Ընտրական օրենսգրքի ընդունման հստակ ժամկետներն արդեն սահմանվել են: Փետրվարի 5-ին մեկնարկած «Երկարաժամկետ ընտրական աջակցություն Հայաստանում ընտրությունների հետ առնչվող շահագրգիռ կողմերին» ծրագիրը նոր առաջընթաց կապահովի ընտրական գործընթացների արդյունավետ կազմակերպման ու անցկացման գործում:
«Արմենպրես»-ի հաղորդմամբ` այս մասին ասաց ՀՀ կենտրոնական ընտրական հանձնաժողովի նախագահ Տիգրան Մուկուչյանը:
«Նախկինում բազմաթիվ ծրագրեր են իրականացվել, որոնք նպաստել են ընտրություններում թափանցիկության ապահովմանը: Այս նոր ծրագիրը կկրի երկարատև բնույթ, այն ոչ միայն խիստ արդիական է, այլև կարոր է Սահմանդրական բարեփոխումների տեսանկյունից: Ծրագրի ամփոփումից հետո հույս ունեմ,որ կունենանք նոր առաջընթաց ընտրական գործընթացների արդյունավետ կազմակերպման մասով»,- ասաց Մուկուչյանը` ընդգծելով, որ
Սահմանադրական բարեփոխումներից հետո առաջին անգամ այս տարի աշնանը հանրապետության համայնքների գրեթե 90 տոկոսում անցկացվելու են Տեղական ինքնակառավարման մարմինների ընտրություններ: ՏԻՄ ընտրությունները անցկացվեն Ընտրական օրենսգրքին համահունչ:
Հայաստանում Եվրամիության պատվիրակության ղեկավար, դեսպան Պյոտր Սվիտալսկին ասաց, որ ԵՄ-ն հույս ունի Հայաստանում Ընտրական նոր օրենսգրքի մշակման գործընթացում տեսնել քաղաքական բոլոր կուսակցություններին, քաղհասարակությանը, ԵԱՀԿ-ի, Եվրախորհրդի, Վենետիկի հանձնաժողովի մասնագետներին, և որ Հայաստանն Ընտրական օրենսգրքի մշակման հարցում հաշվի կառնի նաև նրանց բոլորի առաջարկությունները:
«Հայաստանում անհրաժեշտություն կա վերականգել ընտրողների վստահությունն ընտրությունների արդարության և թափանցիկության հանդեպ, քանի որ վերջին տարիներին դրանք մի փոքր ընկել էին: Հայաստանում ընտրություններ անցկացնելու սարքավորումները բավականին զարգացած չեն արդար ընտրություններ անցկացնելու համար, և, բացի այդ, թափանցիկ ընտրությունների համար կարևոր է նաև մարդկային գործոնը», - «Երկարաժամկետ ընտրական աջակցություն Հայաստանում ընտրությունների հետ առնչվող շահագրգիռ կողմերին» ծրագրի մեկնարկին նշեց ԵՄ դեսպանը:
Բաժանորդագրվեք մեր ալիքին Telegram-ում