ԱԶԲ վարկային միջոցներով կուժեղացվի մի քանի տասնյակ դպրոցների սեյսմակայունությունը
20:12, 1 Դեկտեմբեր 2015
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: 2015-ից մինչև 2020 թվականն ընկած ժամանակաշրջանում Ասիական զարգացման բանկի վարկային ծրագրի շրջանակներում նախատեսված 107 միլիոն դոլարով ՀՀ-ում կուժեղացվեն և նոր կկառուցվեն 46 դպրոցներ: Այդ նպատակով ՀՀ կառավարության հաստատմանն է ներկայացվել ՀՀ պետական հանրակրթական դպրոցների սեյսմիկ անվտանգության բարելավման 2015-2030 թվականների ծրագրից բխող 2015-2020 թվականների միջոցառումների ծրագիրը հաստատելու մասին որոշման նախագիծը:
«Արմենպրես»-ի փոխանցմամբ` այն հաստատելու մասին հարցն ընդգրկված է ՀՀ կառավարության դեկտեմբերի 3-ի նիստի օրակարգում:
Բաժանորդագրվեք մեր ալիքին Telegram-ում