Ոստիկանությունն ազատ է արձակել «Հիմնադիր խորհրդարան»-ի բերման ենթարկված անդամներին
20:02, 1 Դեկտեմբեր 2015
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Ոստիկանությունն ազատ է արձակել Ազատության հրապարակից բերման ենթարկված քաղաքացիներին: Այս մասին «Արմենպրես»-ին տեղեկացրին ՀՀ ոստիկանության տեղեկատվության և հասարակայնության հետ կապերի վարչությունից:
«Հիմնադիր խորհրդարանի» անդամներ Գևորգ Սաֆարյանը և Սմբատ Բարսեղյանը Ազատության հրապարակից բերման էին ենթարկվել «Հավաքների ազատության մասին» ՀՀ օրենքով հավաքի մասնակցի պարտականությունները խախտելու կասկածանքով: Ոստիկանությունը նրանց բերման էր ենթարկել մինչև «Նոր Հայաստան» նախաձեռնության հրավիրած հանրահավաքի մեկնարկը:
Բաժանորդագրվեք մեր ալիքին Telegram-ում