Թեհրանում համերգը չեղյալ են հայտարարել երաժշտախմբի կին մասնակիցների պատճառով
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Իրանցի հայտնի կոմպոզիտոր եւ Թեհրանի սիմֆոնիկ նվագախմբի գլխավոր դիրիժոր Ալի Ռախբարին հայտնել Է, որ Իրանի մայրաքաղաքում նշանակված համերգը չեղյալ Է հայտարարվել այն բանի պատճառով, որ նվագախմբի երաժիշտների թվում կանայք կան:
Ելույթն անցած շաբաթ պետք Է կայանար ռեստլինգի աշխարհի ակումբային առաջնության ժամանակ, բայց չեղյալ Է հայտարարվել սկսվելուց 15 րոպե առաջ, տեղեկացնում Է «Արմենպրես»-ը՝ հղում անելով BBC-ին:
«Արդեն դասավորված Էին աթոռները, եւ ամեն ինչ կազմ ու պատրաստ վիճակում Էր,-ասել Է Ռախբարին «Ֆրանսպրես»-ին տված հարցազրույցում:-Սակայն, հանկարծ, նախքան մենք կկատարեինք ազգային հիմնը, նրանք հայտարարեցին, որ բեմի վրա չեն կարող կանայք լինել»:
Դիրիժորի խոսքով՝ ի պատասխան նա ասել Է, որ առանց կին երաժիշտների ելույթը հնարավոր չԷ, սակայն չի ճշտել, թե հատկապես ով Է կարգադրել կանանց թույլ չտալ բեմ բարձրանալ:
1979 թվականին Իրանում իսլամական հեղափոխությունից հետո արգելել են կանանց որպես մենակատարներ ելույթ ունենալը:
Սակայն երկրի հնագույն սիմֆոնիկ նվագախմբի համերգն առաջին անգամ Է չեղարկվել նրա կազմում կանանց առկայության պատճառով:
Բաժանորդագրվեք մեր ալիքին Telegram-ում