Գեղարքունիքի մարզի 3 համայնքներում դեկտեմբերի 6-ին կանցկացվեն համայնքի ղեկավարի ընտրություններ
ԳԱՎԱՌ, 30 ՆՈՅԵՄԲԵՐԻ, ԱՐՄԵՆՊՐԵՍ : Գեղարքունիքի մարզի Զովաբեր, Գեղամաբակ, Արեգունի համայնքներում դեկտեմբերի 6-ին անցկացվելու են համայնքի ղեկավարի ընտրություններ:
Ինչպես «Արմենպրես»-ին տեղեկացրին Գեղարքունիքի մարզի թիվ 23 ԸԸՀ-ից, Զովաբեր համայնքում համայնքի ղեկավարի պաշտոնի համար պայքարելու են ՀՀԿ անդամ, գործող գյուղապետ Սամվել Եսայանը եւ ինքնաառաջադրված Խաչիկ Բաղդասարյանը: Գեղամաբակում համայնքի ղեկավարի պաշտոնի համար առաջադրվել է գործող գյուղապետ, ՀՀԿ անդամ Գագիկ Բարսեղյանը, Արեգունիում` գործող գյուղապետ, ՀՀԿ անդամ Արամ Վարդանյանը: Փաստորեն, համայնքի ղեկավարի պաշտոնի համար մրցակցությունը ծավալվում է Զովաբերում:
Նույն օրը Գեղարքունիքի մարզի Նորաբակ եւ Դդմաշեն համայնքներում անցկացվելու են ավագանու անդամների ընտրություններ:
Դդմաշենում ավագանու անդամների համար գրանցվել են 9, Նորաբակում` 5 թեկնածու:
Խոսրով Խլղաթյան
Բաժանորդագրվեք մեր ալիքին Telegram-ում