ՓՄՁ ղեկավարների համար իրականացվել են բիզնես-դասընթացներ
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 24-27-ը տեղի են ունեցել ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ի կողմից կազմակերպված և արդեն պարբերական բնույթ կրող անվճար բիզնես-դասընթացները, որոնց ընթացքում մասնակիցներին ներկայացվել են հինգ տարբեր թեմաներ` ուղղված բիզնեսի օպտիմալ կառավարման համար տեսական և պրակտիկ գիտելիքների տրամադրմանը, ինչպես նաև մարքեթինգային մի շարք գործիքների կիրառմանը:
Ինչպես «Արմենպրես»-ին տեղեկացրին բանկից, այսուհետ անվճար անցկացվող բիզնես-դասընթացները կազմակերպվելու են ոչ միայն բանկի հաճախորդ հանդիսացող կազմակերպությունների, այլև դասընթացին մասնակցության ցանկություն ունեցող բոլոր փոքր և միջին ձեռնարկությունների ղեկավարների համար:
Հերթական բիզնես-դասընթացները կկազմակերպվեն 2016թ.-ի փետրվարի ընթացքում, որոնց վերաբերյալ կարելի է ինֆորմացիա ստանալ հետևելով բանկի պաշտոնական կայքէջին՝ www.acba.am:
Բաժանորդագրվեք մեր ալիքին Telegram-ում