«Այո և ոչ». քարոզարշավի հանդիպումներն անցնում են լիքը դահլիճներում. ֆոտոպատմություն
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալությունը շարունակում է ընթերցողին ներկայացնել սահմանադրական բարեփոխումների հանրաքվեին ընդառաջ քարոզարշավի շրջանակներում «Այո և ոչ» հեռուստանախագծի ֆոտոպատմությունները: Այն, ինչ դուրս է մնացել ուղիղ եթերից, սակայն ֆիքսել է «Արմենպրես»-ի լուսանկարչի օբյեկտիվը, հետաքրքիր ու հիշարժան է. քարզարշավի 16-րդ և 17-րդ օրերը «այո»-ի և «ոչ»-ի կողմնակիցները եղել են Արմավիրի մարզի Սարդարապատ, Մրգաշատ գյուղերում, Կոտայքի մարզի Հրազդան, Ծաղկաձոր քաղաքներում:
Հեռուստանախագիծը մեկնարկել է նոյեմբերի 13-ին: Քարոզարշավի շրջանակներում Ռեալիթի շոուի մասնակից 16 քաղաքական և հասարակական գործիչներն այս ընթացքում եղել են Սյունիքի,Արագածոտնի և Վայոց Ձորի մարզերի տարբեր բնակավայրերում, հանդիպում ունեցել բնակիչների հետ,քննարկել սահմանադրական բարեփոխումները:
Հեռուստանախագծի մասնակիցները բաժանված են 2 խմբի: Հյուսիսիային ճակատի խմբում ընդգրկվածեն «այո»-ի կողմնակիցներ, Ազգային ժողովի պատգամավորներ Սամվել Ֆարմանյանը, Մարգարիտ Եսայանը, Միքայել Մելքումյանը և ՀՅԴ անդամ Արթուր Եղիազարյանը, ինչպես նաև «ոչ»-իկողմնակիցներ Պետրոս Մակեյանը, Վարդան Խաչատրյանը, Արմեն Մկրտչյանը, Նարեկ Այվազյանը:
Հարավային ճակատի մասնակիցներն են «այո»-ի կողմնակիցներ, Ազգային ժողովի պատգամավորներ Կարինե Աճեմյանը, Վարդան Այվազյանը, սահմանադրական բարեփոխումների մասնագիտական հանձնաժողովի անդամ Հրայր Թովմասյանը, Հայաստանի PR ասոցիացիայի նախագահ Արման Սաղաթելյանը, «ոչ»-ի կողմնակիցներ «Հասարակական կարծիքի ուսումնասիրության» կենտրոնի նախագահ Թամարա Գևորգյանը, Գերագույն խորհրդի պատգամավոր Ազատ Արշակյանը, ակտիվիստ Վաղինակ Շուշանյանը, Ազգային ժողովի ՀԱԿ խմբակցության պատգամավոր, «Ազատություն» կուսակցության նախագահ Հրանտ Բագրատյանը:
Բաժանորդագրվեք մեր ալիքին Telegram-ում