Լեոյի փողոցում փլուզվել է տներից մեկի պատը
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում նոյեմբերի 29-ին` ժամը 11.30-ին ահազանգ է ստացվել, որ Երևանի Լեոյի փողոցի տներից մեկի պատից քարեր են պոկվել և ընկել, առկա է պատի ամբողջական փլուզման վտանգ. անհրաժեշտ է օգնություն: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր են մեկնել ՃԿԱԿ օպերատիվ խումբը և մեկ մարտական հաշվարկ:
Պարզվել է, որ մասամբ փլուզվել է Լեոյի փողոցի Ա. Ա.-ին պատկանող տան (կառուցվել է 1920-ական թթ.) արտաքին պատը (5 քմ). ամբողջությամբ փակվել է փողոցի երկու այլ տներ տանող միակ ճանապարհը:
Դեպքի վայրում են գտնվել Կենտրոն վարչական շրջանի կոմունալ բաժնի աշխատակիցները, ովքեր իրականացրել են ճանապարհի մաքրման աշխատանքներ: Դեպքի մասին տեղեկացվել է ՃԿԱԿ-ում ՀՀ քաղաքաշինության նախարարության ներկայացուցիչը:
Բաժանորդագրվեք մեր ալիքին Telegram-ում