«Ստեփանակերտ»-ը դարձավ բասկետբոլի Հայաստանի կանանց առաջնության չեմպիոն
18:26, 27 Նոյեմբեր 2015
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Բասկետբոլի Հայաստանի կանանց առաջնության չեմպիոն դարձավ «Ստեփանակերտ» թիմը:
«Արմենպրես»-ի հաղորդմամբ, այս մասին տեղեկացնում է ՀԱՕԿ-ը: Խաղային վերջին օրը «Ստեփանակերտ»-ը հաղթեց ԽՄՕՄՄ-ին 50-26 հաշվով: 22-38 հաշվով «Գյումրի»-ն զիջեց «Գրանդ Սպորտ»-ին, իսկ «Նաիրի»-«Էրեբուն» հանդիպումն ավարտվեց 42-60 հաշվով:
Շրջանաձև մրցակարգով անցկացվող առաջնությունում 5 խաղերից 5 հաղթանակ տոնեց «Ստեփանակերտ»-ը (10 միավոր): 9 միավորով երկրորդ տեղում է «Գրանդ Սպորտ»-ը, իսկ եռյակը եզրափակում է «Էրեբուն»-ին:
Բասկետբոլի առաջնությունը մեկնարկել էր նոյեմբերի 23-ին, մրցաշարին մասնակցում էին 6 թիմ:
Բաժանորդագրվեք մեր ալիքին Telegram-ում