Թուրքիայում ԱՄՆ դեսպանատունը քննադատել է երկու թուրք լրագրողի ձերբակալությունը
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայում ԱՄՆ դեսպանությունը խստորեն դատապարտել է երկու թուրք լրագրողների՝ Ջան Դյունդարի և Էրդեմ Գյուլի ձերբակալումը: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
«Մենք բավականին մտահոգ ենք Ջան Դյունդարի և Էրդեմ Գյուլի ձերբակալության և հերթական լրատվամիջոցի նկատմամբ կիրառվող բռնության առնչությամբ: Հուսով ենք, որ թուրքական դատարանը և իշխանությունները երկրի Սահմանադրությամբ նախատեսվող մամուլի ազատության հիմնարար սկզբունքը երաշխիքի տակ կառնեն»,- ասվում է դեսպանության հայտարարության մեջ:
Թուրքիայում ձերբակալել են «Հանրապետություն» (Cumhurriyet) թերթի գլխավոր խմբագիր Ջան Դյունդարին և այդ նույն թերթի Անկարայի թղթակից Էրդեմ Գյուլին՝ «Իսլամական պետության» ահաբեկիչներին զենք մատակարարելու մասին նյութի համար: Լրագրողներին մեղադրում են ահաբեկչական կազմակերպությանը ներգրավվածության և լրտեսության համար:
Բաժանորդագրվեք մեր ալիքին Telegram-ում