«Բանանց»-ը ևս հրաժարվել է Թուրքիա մեկնելուց
15:27, 27 Նոյեմբեր 2015
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Առաջիկա ձմեռային դադարի ընթացքում Երևանի «Բանանցը» մարզական հավաքներ չի անցկացնի Թուրքիայի տարածքում, ինչպես եղել է նախորդ տարիներին:
«Արմենպրես»-ի հաղորդմամբ, այս մասին տեղեկացնում է «Բանանց»-ի մամուլի ծառայությունը: Ներկայումս «Բանանցի» ղեկավարությունը նոր տարբերակներ է փնտրում հավաքի անցկացման համար: Դիտարկվում են հավաքներն այլ երկրներում անցկացնելու հնարավորությունները: Հնարավոր տարբերակներից է Սոչին:
Հիշեցնենք, որ նոյեմբերի 29-ին «Բանանցը» 2015թ. վերջին հանդիպումն է անցկացնելու Հայաստանի առաջնությունում: Առաջնությունը վերսկսվելու է 2016թ. մարտի 6-ին:
Բաժանորդագրվեք մեր ալիքին Telegram-ում