Չինաստանի եւ ՆԱՏՕ-ի նավերը համատեղ զինավարժանքներ են անցկացրել Ադենի ծոցում
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Չինաստանի եւ ՆԱՏՕ-ի պահականավերն առաջին համատեղ հակածովահենային զինավարժանքների են անցկացրել Ադենի ծոցում, տեղեկացնում Է «Արմենպրես»-ը՝ հղում անելով ՉԺՀ-ի պաշտպանության նախարարությանը:
«Չինաստանի ռազմածովային ուժերի Էսկորտային նավերի 21-րդ նավատորմիկի հրամանատարական նավը եւ ՆԱՏՕ-ի 508-րդ խմբավորման հրամանատարական նավն Ադենի ծոցում անցկացրել են ծովահենների դեմ պայքարի զինավարժանքներ: Զորախաղերը դարձել են Չինաստանի եւ ՆԱՏՕ-ի պահականավերի առաջին համատեղ վարժանքները»,- ասված Է Չինաստանի ռազմական գերատեսչության կայքում հրապարակված հաղորդագրության մեջ:
Նշված Է, որ զինավարժանքները տեղի են ունեցել նոյեմբերի 25-ին:
Ինչպես հայտնել Է ՉԺՀ-ի պաշտանության նախարարությունը, համատեղ զորաշարժերը կօգնեն երկկողմ հաղորդակցման եւ համագործակցության ամրապնդմանը, ինչպես նաեւ Ադենի ծոցում խաղաղության եւ կայունության ապահովմանը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում