«Փյունիկ»-ը հրաժարվել է հավաք անցկացնել Թուրքիայում
11:14, 27 Նոյեմբեր 2015
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Երևանի «Փյունիկ» ֆուտբոլային ակումբը հրաժարվել է ուսումնամարզական հավաք անցկացնել Թուրքիայում:
«Արմենպրես»-ի հաղորդմամբ, «Փյունիկի» նախագահ Ռաֆիկ Հայրապետյանը հանդես է եկել հայտարարությամբ, որում, մասնավորապես, ասվում է. «Վերջին շաբաթում տեղի ունեցած միջազգային իրադարձությունների հետ կապված «Փյունիկը» հրաժարվում է ձմեռային դադարի ընթացքում ուսումնամարզական հավաք անցկացնել Թուրքիայի սահմանում: Նախնական բանակցային բոլոր գործընթացները չեղյալ են համարվել: Այլընտրանքային տարբերակները քննարկվում են, որոնց մասին կլինի լրացուցիչ հայտարարություն»:
Բարձրագույն խմբի 14 տուրերից հետո «Փյունիկը» երկրորդ տեղում է իր հավաքած 29 միավորով:
Բաժանորդագրվեք մեր ալիքին Telegram-ում