«Թուրքական հոսքի» հետ կապված որոշումներ դեռևս չկան. Նովակ
21:13, 26 Նոյեմբեր 2015
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: «Թուրքական հոսք» ծրագրի հետ կապված հստակ որոշումներ դեռևս չկան, առաջարկությունները պետք է մշակվեն ՌԴ կառավարության կողմից մոտ ժամանակներս: Ինչպես հաղորդում է «Արմենպրես»-ը` վկայակոչելով TASS-ը, այդ մասին հայտարարել է ՌԴ էներգետիկայի նախարար Ալեքսանդր Նովակը:
«Այժմ հստակ որոշումներ չկան: Այսօր կառավարության ղեկավարը գործադիրի նիստում հանձնարարել է դիտարկել և առաջարկություններ ներկայացնել հատուկ տնտեսական միջոցառումների օրենքի հետ կապված: Նման առաջարկություններ կմշակվեն մոտ ժամանակներս, և այդ ժամանակ հնարավոր կլինի վերջնականորեն ասել` ինչպիսի որոշումներ կհաստատի կառավարությունն այդ օրենքի շրջանակում»,- ասել է նա:
Բաժանորդագրվեք մեր ալիքին Telegram-ում