ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Բռնցքամարտի աշխարհի չեմպիոն Արթուր Աբրահամը հանդիպել է սիրիացի փախստական երեխաների հետ:

«Արմենպրես»-ի հաղորդմամբ` հայ պրոֆեսիոնալ բռնցքամարտիկ, WBO վարկածով աշխարհի չեմպիոն Արթուր Աբրահամը Բեռլինի «Մաքս Շմելինգ» մարզասրահում հանդիպել է ծնողական խնամքից զրկված սիրիացի փախստական 40 երեխաների հետ, նրանց ցուցադրել բռնցքամարտի իր հմտությունները, կիսվել իր փորձով:

Հայ պրոֆեսիոնալ բռնցքամարտիկ, գերմիջին քաշային կարգում WBO վարկածով աշխարհի չեմպիոն Արթուր Աբրահամը պաշտպանեց աշխարհի չեմպիոնի տիտղոսը: Հանովերում կայացած մենամարտում Աբրահամը մրցում էր 33-ամյա բրիտանացի Մարտին Մարեյի հետ: Աբրահամը բավականին պաշտպանողական կեցվածով էր հանդես գալիս: Նա կարողացավ հաղթանակի հասնել միավորների շնորհիվ` 115-112, 112-115, 116-111:

Լուսանկարը` Getty Images