Շախմատի Հայաստանի տղամարդկանց հավաքականը դարձավ Եվրոպայի փոխչեմպիոն
20:35, 22 Նոյեմբեր 2015
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Շախմատի Հայաստանի տղամարդկանց հավաքականը հաղթանակ տարավ Եվրոպայի առաջնությանը վերջին տուրում և դարձավ Եվրոպայի փոխչեմպիոն:
«Արմենպրես»-ի հաղորդմամբ, առաջնության վերջին տուրում Հայաստանի հավաքականը մրցում էր Վրաստանի հետ: Արոնյանն առաջին խաղատախտակին հաղթեց մրցակցին: Ոչ-ոքի խաղացին Գաբրիել Սարգսյանը, Հրանտ Մելքումյանը: Վերջինն իր պարտիան ավարտեց Սերգեյ Մովսիսյանը, ով հաղթեց: Հայաստան-Վրաստան 3-1: Հայաստանի տղամարդկանց թիմը հավաքեց 13 միավոր և դարձավ Եվրոպայի առաջնության արծաթե մեդալակիր: Նույնքան միավոր ունեին նաև Հունգարիայի և Ֆրանսիայի թիմերը, սակայն Հայաստանի ընտրանին գերազանցեց լրացուցիչ միավորներով:
Շախմատի Եվրոպայի թիմային առաջնության չեմպիոն դարձավ Ռուսատանի թիմը:
Բաժանորդագրվեք մեր ալիքին Telegram-ում