Ադրբեջանում արդյունաբերական ձեռնարկությունների թիվը կրճատվում է
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Նախորդ տարի Ադրբեջանում գործող արդյունաբերական ձեռնարկությունների թիվն աճել է 7-ով: Ընդհանուր առմամբ` վերջին 5 տարիներին Ադրբեջանում իրենց գործունեությունը դադարեցրել են 116 արդյունաբերական ձեռնարկություններ:
Ինչպես հաղորդում է «Արմենպրես»-ը, «Թուրան»-ը` հղում կատարելով Ադրբեջանի Պետական վիճակագրական կոմիտեին, հայտնում է, որ Ադրբեջանում աճում է միայն 100 տոկոս արտասահմանյան կապիտալով աշխատող ձեռնարկությունների թիվը:
Ըստ գործակալության` Ադրբեջանում կրճատվել է նաեւ գրանցված ձեռնարկատերերի թվաքանակը: Այս տարվա հունվար-սեպտեմբերին գրնցված հարկատուների, այդ թվում` իրավաբանական անձանց թվաքանակը, անցյալ տարվա նույն ժամանակահատվածի համեմատ 4,4 տոկոսով կրճատվել է:
Չնայած 2008 թվականի հունվարի 1-ից Ադրբեջանն անցել է «մեկ պատուհանի»` պարզեցված կարգով ձեռնարկատերերի գրանցման համակարգին, մինչ այժմ փոքր եւ միջին բիզնեսի լիարժեք գործունեության համար պայմաններ չեն ստեղծվել:
Բաժանորդագրվեք մեր ալիքին Telegram-ում