Պայթյուններ Անկարայում. կան զոհեր եւ վիրավորներ
12:45, 10 Հոկտեմբեր 2015
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Անկարայում երկաթուղային կայարան տանող կամրջի տակ «Ոչ պատերազմին, խաղաղություն եւ աշխատանք» կարգախոսով արհմիութենական հակառազմական հանրահավաքի մեկնարկից առաջ երկու պայթյուն է տեղի ունեցել:
Ինչպես հաղորդում է «Արմենպրես»-ը` վկայակոչելով «Անատոլու» լրատվական գործակալությունը, պայթյունների վայրում մեծ թվով զոհեր եւ վիրավորներ կան: Պայթյունների վայր մեծ թվով շտապօգնության եւ հրշեջ մեքենաներ են ժամանել: Նախնական տվյալներով` պայթյուններն իրականացրել են մահապարտ ահաբեկիչները:
Նշվում է, որ այդ պայթյունների հետեւանքով մեծ վնաս է կրել նաեւ Անկարայի երկաթուղային կայարանի պատմական շենքը:
Ըստ «ՌԻԱ Նովոստի»-ի պայթյունների հետևանքով զոհվել է առնվազն 20 մարդ:
Բաժանորդագրվեք մեր ալիքին Telegram-ում