1000х90.jpg (78 KB)

Երևանում՝ 11:07,   29 Մարտ 2024

ԻՊ-ն Հալեպի մերձակայքում գյուղեր է գրավել

ԻՊ-ն Հալեպի մերձակայքում գյուղեր է գրավել

ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: «Իսլամական պետության» ահաբեկիչները վերահսկողություն են հաստատել Հալեպի մերձակայքում գտնվող մի քանի գյուղերի վրա, չնայած ռուսական օդային ուժերի հարվածներին:

Ինչպես հաղորդում է «Արմենպրես»-ը` վկայակոչելով արաբական լրատվամիջոցները, այս մասին տեղեկացրել է Մարդու իրավունքների պաշտպանության սիրիական մոնիթորինգի կենտրոնը: Կենտրոնի տնօրեն Ռամի Աբդ ալ Ռահմանի խոսքով, ԻՊ-ի ահաբեկիչների ձեռքում են հայտնվել Թել Սուսին, Թել Կարահ գյուղերը: Նա ավելացրել է, որ օգոստոսից ի վեր սա ահաբեկիչների ամենամեծ առաջընթացն է, նրանք գտնվում են արդյունաբերական շրջանից երկու կիլոմետր հեռավորությամբ, որտեղ վերահսկում են կառավարական ուժերը:

Ռուսական օդուժը սիրիական օդուժի հետ համագործակցությամբ արդեն 10 օր է շարունակում է հարվածել ԻՊ-ի դիրքերին` հատկապես Սիրիայի արևմտյան շրջաններում:

Արաբական մեկ այլ աղբյուր տեղեկացնում է, որ Հալեպում ռազմական գործողությունների ժամանակ իրանի ռազմական խորհրդական է զոհվել:

«Իսլամական պետություն» իսլամիստական ահաբեկչական կազմակերպությունը գործում է Սիրիայի և Իրաքի տարածքներում: 2013թ. ապրիլին «Ալ Կաիդա»-ի երկու ճյուղերի միավորման արդյունքում ձևավորվել է խմբավորում՝ «Իրաքի և Լևանտի իսլամական պետություն» անվանումով, որի նպատակն է կազմավորել իսլամական էմիրություն Լիբանանի, Սիրիայի և Իրաքի տարածքներում: 2014թ. հունիսի 29-ին ԻԼԻՊ-ը Սիրիայի և Իրաքի գրավյալ տարածքներում հայտարարել է Իսլամական խալիֆաթ հիմնելու մասին, որի խալիֆ է նշանակվել Աբու Բաքր ալ Բաղդադին: Այնուհետև կազմակերպության անվանումը փոխելու որոշում է ընդունվել, և այն վերանվանվել է «Իսլամական պետություն»: Խմբավորման կազմում կռվում են 80 երկրի զինյալներ:

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]