ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Արգենտինայի հավաքականի եւ իսպանական «Բարսելոնա» ակումբի ֆուտբոլիստ Լեոնել Մեսսին հայտնվել է աղմկահարույց միջադեպի կենտրոնում: Պարզվում է` կիսապաշտպանը երկար ժամանակ խուսափել է հարկերը վճարելուց եւ այժմ ստիպված է լինելու կանգնել դատարանի առաջ: Ինչպես հաղորդում է «Արմենպրես»-ը` վկայակոչելով BBC-ն, արգենտինական դատարանի որոշման համաձայն` ֆուտբոլիստը  եւ իր հայրը որպես մեղադրյալ պետք է մասնակցեն դատական գործի լսումներին:

Դատախազությունը պահանջել էր պատասխանատվության ենթարկել Մեսսի ավագին, սակայն դատարանը մերժել էր միջնորդությունը` շեշտելով, որ ֆուտբոլիսը նույնպես պետք է մասնակցի դատական լսումներին: Համաձայն հետաքննության, Մեսսին եւ իր հայրը հարկային մարմիններից թաքցրել են ավելի քան 4 միլիոն դոլարի եկամուտը, որը նա ստացել էր Ուրուգվայում եւ Բելիզում իր կերպարի օգտագործման համար: Եթե մեղադրանքն ապացուցվի, ապա ֆուտբոլիստին սպառնում է մինչեւ երկու տարվա ազատազրկում:

Լուսանկարը` AFP