ԱՄՆ-ում որոշել են ազատ արձակել 6 հազար կալանավորների
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի արդարադատության նախարարությունն ազատ կարձակի 6 հազար կալանավորների, ինչն ամենամասշտաբային համաժամանակյա ազատումը կդառնա Միացյալ Նահանգների պատմության մեջ, տեղեկացնում Է «Արմենպրես»-ը՝ հղում անելով Washington Post թերթին:
Կալանավորները՝ հիմնականում թմրանյութերի հետ կապված հանցագործությունների համար դատապարտվածներ, ազատ կարձակվեն գերլցված բանտերը բեռնաթափելու համար:
Նշվում Է, որ զանգվածային համաներումը տեղի կունենա հոկտեմբերի 30-ից մինչեւ նոյեմբերի 2-ը: Նրանց երկու երրորդը կտեղավորվի վերականգնման կենտրոններում կամ կդրվի տնային կալանքի տակ, ազատված օտարերկրացիներն անհապաղ կուղարկվեն իրենց հայրենի երկրներ:
Եվս շուրջ 8,5 հազար կալանավորներ ազատ կարձակվեն այս տարվա նոյեմբերից մինչեւ եկող տարվա նոյեմբեր:
ԱՄՆ-ի վիճակագրական բյուրոյի տվյալներով՝ երկրում ներկայում ճաղերի հետեւում Է գտնվում շուրջ 2,2 մլն մարդ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում