Ինդոնեզիան միջազգային հանրակցությանը խնդրում է օգնել անտառային հրդեհների դեմ պայքարում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ինդոնեզիայի իշխանությունները դիմել են միջազգային հանրակցությանը՝ խնդրելով ինքնաթիռներ տրամադրել անտառային հրդեհների դեմ պայքարելու համար, որոնք ճարակել են Կալիմանտան եւ Սումատրա կղզիները: Ինչպես հեկտեմբերի 7-ին նշել է Steyts Times թերթը, կառավարությունն առանձնակի հույսեր է կապում հարեւան Մալայզիայի եւ Սինգապուրի հետ, տեղեկացնում է «Արմենպրես»-ը:
Ներկայում հրդեհները մարելու համար օգտագործվում են տեղական ուղղաթիռները, որոնցից յուրաքանչյուրը կարող է տեղափոխել 500 լիտրից ոչ ավելի ջուր: Մինչդեռ, օրինակ, ռուսական ինքնաթիռը կարող է տեղափոխել մինչեւ 12 տոննա ջուր:
Հրդեհները ազդել են Ինդոնեզիայի 28 մլն բնակիչների կյանքի վրա, տնտեսական վնասը գնահատվում է 47,5 մլրդ դոլար: Վերջին օրերին Կենտրոնական Կալիմանտանի եւ Հարավային Սումատրայի նահանգներում իրադրությունը շարունակում է վատանալ: Ծխոտումը տարածվում է արդեն ոչ միայն Մալայզիայի նահանգների մեծ մասի, Սինգապուրի տարածքի, այլեւ Ֆիլիպինների Սեբու առողջարանային քաղաքի, ինչպես նաեւ Թաիլանդի մի շարք շրջանների վրա, հաղորդել Է ՏԱՍՍ-ը:
Լուսանկարը` AP
Բաժանորդագրվեք մեր ալիքին Telegram-ում