ԿԲ խորհուրդը հաստատել է մի շարք հուշադրամների էսքիզները
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Կենտրոնական բանկի հոկտեմբերի 6-ի խորհրդի նիստում, որը վարել է ԿԲ նախագահի տեղակալ Ներսես Երիցյանը, հաստատվել է ՀՀ ԿԲ 2016-2017թթ. հուշադրամների թողարկման ծրագրով նախատեսված «Հովհաննես Այվազովսկի-200», «Ալեքսանդր Մանթաշյան-175», «Շուշիի ազատագրման 25-ամյակ», «Հայոց բանակի կազմավորման 25-ամյակ» ոսկե, «Հայոց բանակի կազմավորման 25-ամյակ», «Համո Բեկնազարյան-125», «Վենետիկի Մխիթարյան Միաբանության հիմնադրման 300-ամյակ», «ՀԱՊ-25 և ՀԱՊԿ-15» արծաթե հուշադրամների դիմերեսի և դարձերեսի էսքիզները:
Ինչպես «Արմենպրես»ին տեղեկացրին ՀՀ ԿԲ հասարակայնության հետ կապերի ծառայությունից, խորհուրդը վերաձևակերպել է անհատ ձեռնարկատեր Լևոն Ավանեսյան փոխանակման կետի արտարժույթի առուվաճառքի թիվ 710 լիցենզիան:
Բաժանորդագրվեք մեր ալիքին Telegram-ում