ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիական Ռիվիերայում հեղեղումից զոհվածների թիվը հասել Է 19-ի: Այդ մասին, ինչպես տեղեկացնում Է «Արմենպրես»-ը, հաղորդել Է «Ֆրանս ինֆո» ռադիոկայանը՝ հղում անելով ոստիկանության պրեֆեկտուրային:

Սաստիկ անձրեւները Ֆրանսիայի հարավարեւելյան շրջանը պատուհասել Էին լույս հոկտեմբերի 4-ի գիշերը: Ավելի վաղ հաղորդվել Էր 18 զոհվածների եւ երեք անհայտ կորածների մասին: Երկու մարդու որոնումները շարունակվում են:

Ֆրանսիայի նախագահ Ֆրանսուա Օլանդը, որը երկրի ներքին գործերի նախարար Բեռնար Կազնյովի հետ միասին հոկտեմբերի 4-ին ժամանել Էր Մերձծովյան Ալպերի դեպարտամենտ, հայտարարել Է, որ հոկտեմբերի 7-ին Նախարարների խորհուրդը արտակարգ դրության ռեժիմ կհայտարարի, եւ իշխանությունները վնասները կփոխհատուցեն երեք ամսվա ընթացքում, հաղորդել Է ՌԻԱ Նովոստին:

Լուսանկարը` AP