Գալուստ Սահակյանն ԱԺ ամբիոնից շնորհավորեց ուսուցիչներին
12:20, 5 Հոկտեմբեր 2015
ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: Ազգային ժողովի նախագահ Գալուստ Սահակյանը շնորհավորեց բոլոր ուսուցիչներին ուսուցչի տոնի կապակցությամբ: «Արմենպրես»-ի հաղորդմամբ՝ ԱԺ նիստի մեկնարկին Գալուստ Սահակյանը հիշեցրեց, որ հոկտեմբերի 5-ը ուսուցչի օրն է:
«Թույլ տվեք բոլորիս անունից շնորհավորել Հայաստանի, Արցախի և Սփյուռքի բոլոր ուսուցիչներին, ինչպես նաև մեր այն գործընկերներին, ովքեր վայելել են ուսուցիչ լինելու բերկրանքը, մաղթել առողջություն, լավատեսություն ու բարեկեցություն»,- ասաց Գալուստ Սահակյանը:
Նա ընդգծեց, որ հաճելի զուգադիպությամբ հոկտեմբերի 5-ին նաև ԱԺ ՀՀԿ խմբակցության պատգամավոր Համլետ Հարությունյանի ծննդյան օրն է, ով լուրջ ներդրում է ունեցել մանկավարժության ոլորտում:
Բաժանորդագրվեք մեր ալիքին Telegram-ում