Քուրդ զինյալների հարձակումից թուրք զինվոր է մահացել
12:19, 5 Հոկտեմբեր 2015
ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի Գազիանթեփի (Այնթապ) շրջանում Քրդական բանվորական կուսակցությունը (PKK) նոր հարձակում է իրականացրել զինվորականության վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:
Քուրդ զինյալների արձակած կրակոցների հետևանքով վիրավորվել է ժանդարմերիկայի հատուկ նշանակության զինվորներից մեկը, ինչից հետո ուղղաթիռով նրան տեղափոխել են հիվանդանոց: Չնայած բժշկական միջամտությանը՝ զինվորի կյանքը փրկել չի հաջողվել:
Հարձակումից հետո տարածաշրջանում լայնածավալ գործողություններ են սկսել քուրդ զինյալներին հայտնաբերելու նպատակով:
Բաժանորդագրվեք մեր ալիքին Telegram-ում