1000х90.jpg (78 KB)

Երևանում՝ 11:07,   29 Մարտ 2024

Սուրբ Խաչ և Սուրբ Երրորդություն Հույսի Խորան Հաղորդարանում տեղադրվել է 1715 -րդ խաչը

Սուրբ Խաչ և Սուրբ Երրորդություն Հույսի Խորան Հաղորդարանում տեղադրվել է 1715 -րդ  խաչը

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ:  Սուրբ Խաչ և Սուրբ Երրորդություն Հույսի Խորան Հաղորդարանում  տեղի է ունեցել արդեն ավանդական դարձած  Խաչադրման արարողություն. Սուրբ Խաչի վրա տեղադրվել է 1715 -րդ  խաչը`  խորհրդանշելով Քրիստոնյա Հայաստանի տարիքը:

Ինչպես տեղեկացնում է «Արմենպրեսե-ը, 1713, 1714-րդ խաչերի խաչքավորներ  ՀՀ Աժ պատգամավոր Հակոբ  Հակոբյանը  և ՀՀ արտակարգ իրավիճակների նախարար  Արմեն Երիցյանը 1715-րդ խաչը փոխանցել են խաչադրման  խաչքավոր ՀՀ ԱԺ պատգամավոր Վահրամ Բաղդասարյանին:  Արագածոտնի թեմի առաջնորդ  Տեր Մկրտիչ եպիսկոպոս Պռոշյանի հանդիսապետությամբ, հոգևոր դասի ներկայացուցիչների մասնակցությամբ,  սկսվել է 1715-րդ խաչի օծման արարողությունը:  Օծման արարողության ավարտից հետո, օծված խաչը  հոգևոր դասի ու ժողովրդի ուղեկցությամբ հանդիսավոր կերպով բարձրացվել է  և խաչքավորի ձեռամբ  ամրակցվել Սուրբ Խաչին:

Խաչադրման  արարողության ողջ ընթացքում  Սուրբ Խաչ և Սուրբ Երրորդություն Հույսի Խորան Հաղորդարանում ծովացած բազմության համար  թևածել է  հոգեւոր երաժշտությունը:

Տեր Մկրտիչ եպիսկոպոս Պռոշյանն  իր խոսքում նորից հնչեցրել է  Գրիգոր Տաթևացու մեկնությունը, որ` ՙքառաթև խաչը փրկություն է աշխարհի չորս ծագերի համար, սրբություն է հոգու չորս առաքինությունների համար, մաքրություն է մեղքերից, որոնք հարկ է տարածել մեր ներքին մարդու մեջ՝ սեր, խոնարհություն, հնազանդություն և համբերություն՚։

1715-րդ օծված խաչը Սուրբ Խաչի վրա ամրակցելուց հետո ողջույնի խոսք են ասել  ՙՆիգ-Ապարան՚ հայրենակցական միության պատվավոր նախագահ Աղվան Հովսեփյանը, խաչքավորներ Հակոբ  Հակոբյանը, Արմեն Երիցյանը,  Վահրամ Բաղդասարյանը: 

Համաժողովրդական տոնախմբությանը մասնակցել են հյուրեր սփյուռքից, Արցախից, հանրապետության մարզերից, մտավորականներ, հասարակական և քաղաքական գործիչներ, պետական բարձրաստիճան այրեր եւ հարյուրավոր քաղաքացիներ:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]