Քուրդ զինյալները մեկ քաղաքացիական անձի են սպանել Թուրքիայում
17:01, 5 Սեպտեմբեր 2015
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Քրդական բանվորական կուսակցության (PKK) զինյալները Թուրքիայի հարավ-արևելյան Հաքքարի նահանգի Շեմդինլի գավառում, կտրելով ճանապարհը, սկսել են ուղևորներին հանել ավտոմեքենաներից և կրակի տալ դրանք: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Մեքենաներից մեկում գտնվող Ջելալ Ինանը և Միրան Քայան ցանկացել են փախչել, ինչը տեսնելով` քուրդ զինյալները կրակ են բացել նրանց վրա: Կատարվածի հետևանքով Ջելալ Ինանը ծանր վիրավորվել է և հիվանդանոցում զոհվել:
Բաժանորդագրվեք մեր ալիքին Telegram-ում