Ֆինլանդիայի վարչապետը պատրաստ Է իր տանը տեղավորել միգրանտներին
13:27, 5 Սեպտեմբեր 2015
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Ֆինլանդիայի վարչապետ Յուխա Սիպիլյան պատրաստ Է իր տունը տրամադրել երկիր ժամանող միգրանտներին, որպեսզի օրինակ ծառայի Եվրամիության մյուս երկրների համար, տեղեկացնում Է «Արմենպրես»-ը՝ հղում անելով BBC-ին:
Սիպիլյայի խոսքով՝ երկրի հյուսիում գտնվող իր տունը կարող Է հանգրվան դառնալ ապաստան ստանալու խնդրագիր ներկայացրած փախստականնների համար:
Վարչապետը նաեւ հորդորել Է ֆիններին՝ համերաշխություն ցուցաբերել փախստականների հետ, որոնք հարկադրված են Եվրոպա փախչել պատերազմներից ու աղքատությունից:
Տարեսկզբից Ֆինլանդիա Է ժամանել շուրջ 7 հազար փախստական, որոնք դիմել են ապաստան տրամադրելու խնդրանքով: Երկրի ներգաղթի ծառայության տվյալների համաձայն՝ նրանց հիմնական մասը Իրաքի քաղաքացիներն են:
Բաժանորդագրվեք մեր ալիքին Telegram-ում