Հովիկ Հայրապետյանը՝ Հայաստանի տղամարդկանց առաջնության 1-ին խմբի մրցաշարի հաղթող
10:28, 5 Սեպտեմբեր 2015
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Տիգրան Պետրոսյանի անվան շախմատիստի կենտրոնական տանն ավարտված Հայաստանի տղամարդկանց առաջնության 1-ին խմբի մրցաշարում գերազանց արդյունքի է հասել Լեռնային Ղարաբաղի Հանրապետության ներկայացուցիչ Հովիկ Հայրապետյանը:
«Արմենպրես»-ի հաղորդմամբ, Հայրապետյանը 13 հնարավորից վաստակել է 9.5 միավոր և երևանցի գրոսմայստեր Լևոն Բաբուջյանի հետ բաժանելով 1-2 տեղերը լրացուցիչ ցուցանիշներով ճանաչվել մրցաշարի հաղթող: 3-րդ մրցանակը ևս բաժին է հասել ԼՂՀ-ի ներկայացուցչին՝ միջազգային վարպետ Մանուել Պետրոսյանին:
Վերոնշյալ 3 շախմատիստներն էլ իրավունք են ստացել մասնակցելու Հայաստանի տղամարդկանց առաջնության բարձրագույն խմբի մրցաշարին, որը կկայանա 2016թ. հունվարին:
Բաժանորդագրվեք մեր ալիքին Telegram-ում