ԵՐԵՎԱՆ, ՍԵՊՏԵՄԲԵՐԻ, ԱՐՄԵՆՊՐԵՍ: Մեծ սաղավարտի տարվա վերջին խոշորագույն մրցաշարում պայքարը հաջորդ փուլում կշարունակեն նաև ֆավորիտները: «Արմենպրես»-ի հաղորդմամբ` լեգենդար շվեյցարացի Ռոջեր Ֆեդերերը առանց մեծ դժվարության հետագա պայքարից դուրս թողեց Սթիվ Դերսին` 1:6, 2:6, 1:6  հաշվով: Օլիմպիական խաղերի չեմպիոն Էնդի Մարեյը 7:5, 6:4, 1:6, 3:6, 1:6 հաշվով հանդիպումներից և համառ պայքարից հետո կշարունակի պայքարը:

Նախօրեին ԱՄՆ բաց առաջնության հաջորդ փուլ էին դուրս եկել նաև Ցոնգան, Ֆերերը, Ռաոնիչը, Կուկուշկինը, Նադալը և Ջոկովիչը: Կանանց պայքարում հաջորդ փուլում պայքարելու իրավունք են ստացել ֆավորիտներից Ուիլիամսը, Մակարովան, Կեյսը:

ԱՄՆ բաց առաջնությունն անցկացվում է ԱՄՆ-ի թենիսի միության կողմից։ 1978 թվականին սկսած` մրցաշարի խաղերը տեղի են ունենում Բիլի Ջին Քինգի անվան թենիսի ազգային կենտրոնում, որը տեղակայված է Ֆլաշինգ Մեդոուս պարկում, Քվինս, Նյու Յորք։