Եգիպտոսցի միլիարդատերը ցանկանում Է կղզի գնել փախստականներին տեղավորելու համար
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Եգիպտոսցի միլիարդատեր Նագիբ Սավիրիսը դիմել Է Իտալիայի եւ Հունաստանի իշխանություններին՝ միգրանտների համար նրանցից կղզի գնելու առաջարկով: Այդ մասին, ինչպես տեղեկացնում Է «Արմենպրես»-ը, ձեռնարկատերը գրել Է Twitter-ի իր միկրոբլոգում:
«Հունաստան կամ Իտալիա, ինձ վաճառեք ձեր կղզիներից մեկը: Ես կհայտարարեմ նրա անկախությունը, կընդունեմ փախստականներին եւ նրանց կապահովեմ աշխատանքով: Այնտեղ նրանք կկառուցեն իրենց նոր հայրենիքը»,-գրել Է Սավիրիսը:
2015 թվականի սկզբից Եվրամիության տարածք են ժամանել առնվազն 340 հազար միգրանտներ: Փորձագետների կարծիքով՝ ներկայում ԵՄ-ի երկրներում անօրինական միգրանտների շուրջ ստեղծված իրադրությունը գաղթականների հետ կապված վատթարագույն ճգնաժամն Է Երկորդ համաշխարհային պատերազմի ժամանակներից ի վեր:
Արդեն հաղորդվել Է, որ Ֆրանսիայի նախագահ Ֆրանսուա Օլանդը եւ ԳՖՀ-ի կանցլեր Անգելա Մերկելը համաձայնեցրել են Եվրոպա միգրանտների ներհոսքի դեմ պայքարի միջոցառումները: Ինչպես ճշտել են Ելիսեյան պալատում, խոսքը, մասնավորապես, վերաբերում Է ԵՄ-ի տարբեր երկրների միջեւ միգրանտների ընդունման բաշխիչ մեխանիզմ կիրառելուն:
Մինչդեռ Հունգարիայի վարչապետ Վիկտոր Օրբանն իր դժգոհությունն Է հայտնել Եվրամիության միգրացիոն քաղաքականությունից եւ հիմնավորել Է Սերբիայի հետ սահմանին ցանկապատի անհրաժեշտությունը: Օրբանն ընդգծել Է, որ «Եվրոպայի քրիստոնեական մշակույթը միգրանտների հախուռն հոսքի դեպքում հազիվ թե ի վիճակի լինի պահպանել արժեքների սեփական քրիստոնեական համակարգը»:
Լուսանկարը`AFP
Բաժանորդագրվեք մեր ալիքին Telegram-ում