Xiaomi-ի առաջին նոութբուքը հավակնում Է մրցակցել Apple-ի MacBook Air-ի եւ Lenovo-ի ThinkPad-ի հետ
ԵՐԵՎԱՆ, ՄԱՐՏԻ, ԱՐՄԵՆՊՐԵՍ: Սմարթֆոններ արտադրող չինական Xiaomi-ն պլանավորում Է իր առաջին նոութբուքը շուկային ներկայացնել հաջորդ տարվա սկզբին: Այդ մասին, ինչպես տեղեկացնում Է «Արմենպրես»-ը, հաղորդել Է Bloomberg գործակալությունը՝ վկայակոչելով իրազեկ աղբյուրներ:
Xiaomi-ի նոութբուքը կարող Է վաճառքում հայտնվել 2016 թվականի առաջին եռամսյակում եւ կմրցակցի պրեմիալ այնպիսի սարքերի հետ, ինչպիսիք են ամերիկյան Apple-ի MacBook Air-ը եւ չինական Lenovo-ի ThinkPad-ը, նշում են աղբյուրները:
Նրանց խոսքով՝ Xiaomi-ն Samsung-ի հետ բանակցություններ Է վարել հիշողության չիպեր ձեռք բերելու շուրջ, որոնք թողարկվում են հարավկորեական ընկերության կողմից: Ընկերությունների միջեւ նախնական համաձայնագիրը կարող Է ընդլայնվել եւ ներառել Samsung-ի թողարկած դիսփլեյների մատակարարումը, նշում են աղբյուրները:
Xiaomi-ը, որն ստեղծվել Է ընդամենը հինգ տարի առաջ, գնորդներին պրեմիալ բնութագրեր ունեցող սարքեր Է առաջարկում գնային միջին ընդգրկույթով, ինչի շնորհիվ արդեն տեղ Է զբաղեցրել աշխարհում սմարթֆոնների խոշորագույն արտադրողների քառյակում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում