«Ոչ թալանին» նախաձեռնության անդամները դադարեցնում են բողոքի ակցիան Բաղրամյան պողոտայում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Էլեկտրաէներգիայի թանկացմանը դեմ «Ոչ թալանին» նախաձեռնության անդամները դադարեցնում են սեպտեմբերի 1-ին անցկացվող բողոքի ակցիան Բաղրամյան պողոտայում և երթով շարժվում դեպի Հանրապետության հրապարակ: Նախաձեռնության անդամ Մաքսիմ Սարգսյանը, ով քիչ առաջ է ազատ արձակվել ոստիկանությունից և վերադարձել Բաղրամյան պողոտա, հայտնեց, որ ոստիկանությունը Հանրապետության հրապարակից, որտեղ ևս ընթացել է բողքի այցիա, 8 քաղաքացիների է բերման ենթարկել:
«Մենք գնում ենք Հանրապետության հրապարակ և պահանջում ենք, որ նրանք ազատ արձակվեն, մինչև մենք կհասնենք այնտեղ»,- «Արմենպրես»-ի հաղորդմամբ` նշեց Սարգսյանը:
Նա նաև հայտնեց, որ «Ոչ թալանին» նախաձեռնության հաջորդ հավաքը տեղի կունենա սեպտեմբերի 11-ին, Ազատության հրապարակում:
Բաժանորդագրվեք մեր ալիքին Telegram-ում