Իրանը հայտարարել Է առաջիկայում 20 զորավարժություն անցկացնելու պլանների մասին
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի «Իսլամական հեղափոխության պահապանների» կորպուսի (ԻՀՊԿ) հրամանատար գեներալ-մայոր Մոհամադ Ալի Ջաֆարին սեպտեմբերի 1-ին Թեհրանում հայտարարել Է իրանական օրացույցով մինչեւ ընթացիկ տարվա (սկսվել Է մարտի 21-ից) վերջը 20 զորավարժություն անցկացնելու պլանների մասին, տեղեկացնում Է «Արմենպրես»-ը:
«Զինված ուժերն այս տարի կանցկացնեն 20 պլանային զորավարժություն»,-նրա խոսքը մեջբերել Է Fars գործակալությունը: Ջաֆարին նաեւ հայտնել Է առաջիկա չորեքշաբթի-հինգշաբթի օրերին իսլամական ժողովրդական աշխարհազորի՝ «Բասիջի» իրանական կամավորական կազմավորումների զորավարժություններ անցկացնելու մասին: Դրանց մասնակցելու Է 250 գումարտակներում ներգրավված 250 հազար մարդ, ասել Է նա:
ԻՀՊԿ-ի ռազմածովային ուժերի հրամանատար փոխծովակալ Ալի Ֆադավին օրերս հայտարարել Էր մինչեւ ընթացիկ իրանական տարվա վերջը երկու մասնագիտացված զորավարժություն անցկացնելու ԻՀՊԿ-ի պլանների մասին, որոնցից մեկը կարող Է կազմակերպվել բանակի հետ համատեղ, հաղորդել Է ՏԱՍՍ-ը:
Լուսանկարը` EPA
Բաժանորդագրվեք մեր ալիքին Telegram-ում