Չինաստանում զորահանդեսից առաջ կապիկների ջոկատը փողոցները կմաքրի թռչուններից
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանի զինված ուժերը պատրաստել են կապիկների ջոկատ, որոնք պետք Է խրտնեցնեն թռչուններին մերձակա փողոցներից, որտեղ պետք Է զորահանդես անցկացվի Երկրորդ համաշխարհային պատերազմի ավարտի 70-րդ տարեդարձի առթիվ, տեղեկացնում Է «Արմենպրես»-ը՝ հղում անելով The Independent-ին:
Կազմակերպիչները հուսով են, որ կապիկների ներգրավումը թույլ կտա խուսափել ինքնաթիռների տուրբիններ թռչունների ընկնելուց եւ բացառել չնախատեսված իրավիճակները:
Պեկինում զորահանդեսը տեղի կունենա սեպտեմբերի 3-ին: Այն առաջին անգամ Է նշվում այսքան մեծ թափով: Հանդիսություններին կժամանեն պետությունների եւ կառավարությունների ավելի քան 20 ղեկավարներ:
Զորահանդեսին կմասնակցեն 12 հազար զինվորներ, ինչպես նաեւ տանկեր եւ շուրջ 200 ինքնաթիռներ, որոնք կկատարեն մանեւրներ, այդ թվում՝ լրալցավորում օդում, հաղորդել Է «Ինտերֆաքս»-ը:
Լուսանկարը` AP
Բաժանորդագրվեք մեր ալիքին Telegram-ում