«Զենիթ»-ի 21-ամյա պաշտպանը վարձավճարով հանդես կգա «Միկա»-ում
15:13, 31 Օգոստոս 2015
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Սանկտ Պետերբուրգի «Զենիթ» ֆուտբոլային ակումբի երիտասարդական թիմի պաշտպան Դմիտրի Չեստյակովը վարձավճարով տեղափոխվել է հայկական «Միկա»: Ինչպես հաղորդում է «Արմենպրես»-ը՝ վկայակոչելով ռուսական Sports.ru մարզական կայքը, 21-ամյա պաշտպանը հայկական ակումբում կանցկացնի մեկ մրցաշրջան:
Միևնույն ժամանակ նշվում է, որ «Միկա»-ն չի կարող «Զենիթ»-ից գնել ֆուտբոլիստի տրանսֆերը, և մրցաշրջանի ավարտից հետո Չեստյակովը կվերադառնա ռուսական ակումբ:
Դմիտրի Չեստյակովը «Զենիթ»-ի երիտասարդական թիմում հանդես է գալիս 2013թ.-ից: Ընթացիկ մրցաշրջանում նա ռուսական ակումբի կազմում հասցրել է մասնակցել 4 հանդիպման:
Բաժանորդագրվեք մեր ալիքին Telegram-ում