ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: «Արմենպրես» լրատվական գործակալությունը շարունակում է ներկայացնել «Նոր գիրք» նախագիծը: Այն տեղեկություններ է հաղորդում հայաստանյան հրատարակչությունների լույս ընծայած գեղարվեստական գրքերի մասին: Գործակալության էջերում ընթերցասերները հնարավորություն ունեն տեղեկատվություն ստանալ և ծանոթանալ դասական երկերին ու արդի գրականության զարգացման միտումներին: Ամառային այս տապին մեր ցանկերից ընտրեք գրքեր և սկսեք ընթերցել: Այս շաբաթ «Արմենպրես»-ը դարձյալ առանձնացրել է նոր հրատարակված երկու ուշագրավ գիրք` երկու խորագրի ներքո:

Հայ գրականություն

Եղիա Տեմիրճիպաշյան, «Անգեղն երգ»

Արևմտահայ արձակագիր, բանաստեղծ, փիլիսոփա Եղիա Տեմիրճիպաշյանի ստեղծագործություններն ամփոփող ժողովածուն դրվել է ընթերցողների սեղանին: Բանաստեղծություններ ներառող գիրքը հրատարակել են Սարգիս Խաչենցը և «Փրինթինֆո»-ն:

Ժամանակակից ստեղծագործողներ

Սուրեն Սարգսյան, «Վարք զինվորաց»

Գրքում ներկայացված են Արցախյան հերոսամարտին մասնակցած ազատամարտիկների պատմությունները՝ արմատներից մինչև պատերազմ ու մեր օրեր: Ակնարկների տեսքով ներկայացված են ոչ միայն առանցքային մարտերից դրվագներ, այլև հերոսների տեսակը, նրանց տեսածը, ապրածն ու զգացածը: Գիրքը հրատարակել է «Անտարես»-ը:

«Նոր գիրք»-ը ներկայացրեց Ռոզա Գրիգորյանը