ՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ:  Եմենի 36 քաղաքացիներից բաղկացած խումբը ԱՄԷ-ի բժշկական հաստատություններում բուժում ստանալուց հետո վերադարձել է հայրենիք: «Արմենպրես»-ի հաղորդմամբ` ինչպես տեղեկացնում է «ՌԻԱ Նովոստի»-ն, այս մասին հայտնել է Էմիրությունների WAM լրատվական գործակալությունը:

ԱՄԷ-ի իշխանությունների նախաձեռնությամբ, ընդհանուր առմամբ, այդ երկիր է տեղափոխվել զինված բախումների հետևանքով տուժած մոտ 100 քաղաքացի: Գլխի, վերջույթների, ողնաշարի վնասվածքների և տարբեր աստիճանի այրվածքների արդյունքում, նրանց վիճակը տեղափոխման պահին գնահատվում էր միջին ծանրության և ծանր:

Տուժածների և նրանց ընտանիքի անդամների ծախսերը հոգում էր «Կարմիր կիսալուսին» կազմակերպությունը:

Միևնույն ժամանակ, Եմենից ԱՄԷ էր տեղափոխվել այնտեղ բնակվող լիբիացիների ութ հոգուց բաղկացած ընտանիք: Նրանք կշարունակեն մնալ Էմիրություններում այնքան ժամանակ, մինչև հարմար պահ չստեղծվի նրանց Լիբիա ուղարկելու համար:

2015թ. սկզբից մինչև այժմ բարեգործական կազմակերպությունը ԱՄԷ-ից Եմեն է ուղարկել ավելի քան 200 մլն դոլարի հումանիտար օգնություն: