Վերջին 8 ամսում Եվրոպան ընդունել է 300.000 փախստականի. ՄԱԿ
19:46, 28 Օգոստոս 2015
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Հյուսիսային Աֆրիկայից եւ Մերձավոր Արեւելքից դեպի Եվրոպա եկող փախստականների վերաբերյալ վիճակագրությունն այնքան էլ հուսադրող չէ, եւ անհրաժեշտ են լուրջ քայլեր խնդիրը կարգավորելու համար:
Ինչպես հաղորդում է «Արմենպրես»-ը, փախստականների վերաբերյալ ՄԱԿ-ը զեկույց է հրապարակել, որտեղ նշվում է, որ վերջին 8 ամսվա ընթացքում Միջերկրական ծովով Եվրոպա է եկել ավելի քան 300.000 փախստական: Համեմատության համար, նույնքան մարդ ավելի լավ կյանք ունենալու համար եկել էր Եվրոպա 2014-ին 12 ամսվա ընթացքում:
ՄԱԿ-ի զեկույցում նշվում է, որ փախստականների կյանքը որեւէ կերպ ապահովագրված չէ, եւ այս տարի 2500 փախստական է մահացել Եվրոպա հասնելու ճանապարհին:
Բաժանորդագրվեք մեր ալիքին Telegram-ում