ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: ՀՀ ՏԿԱԻՆ ճգնաժամային կառավարման ազգային կենտրոնում օգոստոսի 27-28-ին ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Ինչպես «Արմենպրես»-ին տեղեկացրին ՀՀ տարածքային կառավարման եւ արտակարգ իրավիճակների նախարարությունից, մասնավորապես, Երևանի Արտաշիսյան փողոցի թիվ 52 հասցեում գտնվող Դերենիկ Դեմիրճյանի անվան հիմնական դպրոցի մոտակայքում այրվել է 1000 քմ խոտածածկ տարածք, Արտաշիսյան փողոցում գտնվող բժշկական կենտրոնի տարածքում` 300 քմ, Վրացական փողոցի թիվ 6 շենքի մոտակայքում` 500 քմ, Բուսաբանական այգում` 1000 քմ, Այգեստան 11-րդ փողոցի թիվ 89 շենքի մոտակայքում` 200 քմ, Երևան-Սևան ավտոճանապարհի 15-րդ կմ-ի մոտակայքում` 300 քմ խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: