1000х90.jpg (78 KB)

Երևանում՝ 11:07,   28 Մարտ 2024

Արվում է հնարավորը Տեխասում մահացած 16-ամյա հայ ուսանողուհու մարմինը հայրենիք տեղափոխելու համար. ՀՀ-ում ԱՄՆ դեսպանատուն

 Արվում է հնարավորը Տեխասում մահացած 16-ամյա հայ ուսանողուհու մարմինը 
հայրենիք տեղափոխելու համար. ՀՀ-ում ԱՄՆ դեսպանատուն

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Փորձի փոխանակման նպատակով ԱՄՆ մեկնած հայ ուսանողուհի 16-ամյա Լիլիթ Իշխանի Գեւորգյանը մահացել է Տեխաս նահանգի Նակոգդոչես քաղաքում ճանապարհային պատահարից: Ինչպես հաղորդում է «Արմենպրես»-ը` վկայակոչելով տեղական ktre.com օնլայն պարբերականը, Գեւորգյանը մահացել է քվադրոցիկլի վթարի հետեւանքով:

Դեպքից հետո շերիֆ Ջեյսոն Բրիդջեսը հայտնել է, որ վթարի պատճառն այն է եղել, որ արագության տակ Գեւորգյանը կորցրել է կառավարումը: Լիլիթ Գեւորգյանը մահացել է վթարից ժամեր անց Նակոգդոչեսի հիվանդանոցում առանց գիտակցության գալու:

Ավելի ուշ Հայաստանում ԱՄՆ դեսպանատունը հանդես է եկել հետեւյալ հաղորդագրությամբ.

«Աննկարագրելի ցավով հայտնում ենք, որ Հայաստանի ՖԼԵՔՍ ծրագրի մասնակիցներից մեկը ս.թ. օգոստոսի 24-ին մահացել է դժբախտ պատահարի՝ քվադրոցիկլի վթարի հետևանքով: Բոլոր ներգրավված կողմերն անում են հնարավորինս նրա մարմինը ԱՄՆ-ից տուն բերելու համար: Մենք խորապես ցավում ենք և կիսում ենք Լիլիթի ընտանիքի ու ընկերների վիշտը: Այս պահին մենք չենք կարող հրապարակել այլ մանրամասներ՝ հարգելով Լիլիթի հիշատակը»,- ասված է հաղորդագրության մեջ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]