Երևանի քաղաքապետարանում հուլիսին ընդունել են 134 քաղաքացու
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Երևանի քաղաքապետարանում և վարչական շրջանների ղեկավարների աշխատակազմերում սահմանված ժամանակացույցով շարունակվում են քաղաքացիների ընդունելությունները: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, հուլիսի 1-31-ն ընկած ժամանակահատվածում Երևանի քաղաքապետարանի վարչական շենքում ընդունելություններին մասնակցել է 134 քաղաքացի, իսկ վարչական շրջաններում կազմակերպված ընդունելություններին մասնակցել է 547 քաղաքացի: Բարձրացված հարցերի առնչությամբ կազմակերպվել է խորհրդատվություն, տրվել են սպառիչ պատասխաններ, անհրաժեշտության դեպքում` նաև պարզաբանումներ: Քաղաքապետարանի լիազորություններից դուրս բարձրացված հարցերով դիմած քաղաքացիներն ուղղորդվել են համապատասխան իրավասության կառույցներ:
Բաժանորդագրվեք մեր ալիքին Telegram-ում