Թագավորական ընտանիքին պահելը 2016 թվականին Իսպանիայի վրա կնստի գրեթե 7,8 մլն եվրո
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Թագավորական ընտանիքին պահելը 2016 թվականին Իսպանիայի հարկատուների վրա կնստի 7,78 մլն եվրո: Ինչպես տեղեկացնում Է «Արմենպրես»-ը, այս թիվը օգոստոսի 4-ին հայտնել Է Իսպանիայի ֆինանսների եւ պետական վարչակազմի նախարար Կրիստոբալ Մոնտորո Ռոմերոն՝ Կոնգրեսում ներկայացնելով առաջիկա տարվա պետական բյուջեի նախագիծը:
Դրա հետ մեկտեղ գերատեսչության ղեկավարը չի կոնկրետացրել, թե որքան փող Է նախատեսված միապետի ընտանիքի յուրաքանչյուր անդամի համար: Երկրի Սահմանադրության համաձայն, միապետը պետբյուջեից տարեկան «դրամագումար Է ստանում իր ընտանիքը եւ արքունիքը պահելու համար եւ ազատորեն տնօրինում Է այն»: Դա նշանակում Է, որ Ֆիլիպ Վեցերորդ թագավորը իրավասու Է իր հայեցողությամբ բաշխել եւ ծախսել հատկացված միջոցները, հաղորդել Է ՏԱՍՍ-ը:
Լուսանկարը` AP
Բաժանորդագրվեք մեր ալիքին Telegram-ում